لمحبي الضيق في وطن الحراك الفسيح
ـــــــــــــــــــــــــــــــــــــــــــــــ
كلما جيت أحبك يا حراكَ الجنوب
ردتني أفعالك وما هي بزينه
أفعال هوجا كدرت حالي الطروب
خلت فؤادي ينتقل لما يمينه
دوب أشوفه وهو دايم غضوب
ويا ويل من خالف قوانينه
ما يفهم الشورى ولا فن القلوب
وبنيان جسمه من كل جينه
والقول قوله ومن ناقش كذوب
وقم يا شعب ردد عناوينه
ودي أفهم ليش يهواها الكروب
مضيع حكمته والعقل وينه
****************
يا رب فرجها على شعب مغلوب
وحبه الصافي مخلوط به طينه
وكياله أعور والطحان مجذوب
وذي يعجن عساك ياربي تعينه
متكدر الخاطر من زوجه لعوب
والطباخ متمعشق يبا له طبينه
ذق يا شعب وجبة من كل كوب
وان زاد ملحه شفه تمر المدينه
سمك لخم تونه واللبن مسكوب
والشيف يعلنها أكلاتي حسينه
يا رب عونك من عشق صَوب
حبني بالغصب وقع لي عجينه
****************
نحبك يا حراكي ها كن لنا حبوب
انثر لنا الطيب وزد من رياحينه
واضمن لنا وحدة ارض الجنوب
من عدن للسادسة ومعهن دثينه
شف الدان يتغنى واللحن مكتوب
أويهمك قلعت الدحباشي بكراتينه
وحدودنا ترجع واليمن مشطوب
وخل الجنوبي بعدها يلقم طحينه
كيف الدم ما با يصل لما الكعوب
وحدادك اليوم ولع علينا براكينه
******************
أعطنا وعد الحق لا وعد عرقوب
بالعز توعدنا أو شغل ريا وسكينه
ساير الوقت خل غزوات شيبوب
وهدرات جيفارا وصيحات لينينه
ذاك الزمن ولى وما عاد مطلوب
الناس تضحك لك ودمعتها حزينه
وأبعد عن الفتنة ورجام العلوب
وخلك مع الحق لا هبت ملايينه
اليوم شركة ذي كامل ومعيوب
نزرع الخير في قرانا والمدينه
ويشهد الله فيك مليون مرهوب
يا كم من أسد ساكن في عرينه
ما تعجبه لعبة الثعلب ومذيوب
كله شهامة وحب وأخلاقه متينه
ليت يده بيدي ندك باب الكذوب
لكن قشرة رمد غطت على عينه
****************
أحبك يا جنوبي ويا خير الشعوب
شعب عاقل أبي والحكمة نياشينه
ومن كثر حبك الصبر لي محبوب
صابر على الظالم وشدة فراعينه
وصبري شهامة ما أنا بمرعوب
ما همني الساحر ولا كثرة ثعابينه
والوقت علمني أن الكي مطلوب
بأخر علاجه ما هو مع أول أنينه
وصلوا على أحمد في سلم وحروب
يحب اليسر في أمره ويكره الشينه
